هندي وزيراعظم نه د خېر توقع كېدې نه شي۔ د هېواد په روانه وضعه كښې پيپلز ګوند حكومت سره دې۔ سناتور مولا بخش چانډيو

لاهور۔3 مارچ(اے پی پی) د پيپلز ګوند لارښود سناتور مولا بخش چانډيو وئيلي دي هندي وزيراعظم نرېندر مودي نه د خېر توقع كېدې نه شي۔ دې پاكستان لپاره كله ښه سوچ نه كوي۔ د هېواد په روانه وضعه كښې پيپلز ګوند حكومت سره دې۔ حكومت چې په كوم ډول د تاؤ تريخوالي په معامله د پارلمان باور ترلاسه كړو او ځان سره ئې واخست دا روايت بايد دغسې روان وساتلې شي۔ ده تېره ورځ د لاهور خپلې دورې په مهال لاهور كښې پارټی سېکرټرېټ كښې خبري كنفرنس ته خطاب كولو۔ ده ووئيل پاكستان د اسلامي نړۍ يواځنې لوئې اتومي هېواد دې او هند دا كله تسليم كړې نه دې۔ ده ووئيل پي پي پي د هېواد د خاطره د حكومت ملګرتيا كړې۔ ده وئيل مونږ نه غواړو چې دښمن ته خپله كومه كمزوري وښايو۔ د يوې پوښتنې په ځواب كښې ده ووئيل د هېواد حالات ښه نه دي۔ د هېواد په پولو خطرې مخې ته دي۔ چرته چې جارحيت كولې شي۔ د هندي جارحيت نه وروستو قوم غصه وو او دغه غصه زمونږ د هوائي ځواك ځواب سړه كړه۔ ده ووئيل حكومت پائيلوټ بېرته وركړو نو كوم هم ګوند د حالاتو نازك كېدو لامله مخالفت ونكړو۔ په دې مهال مولا بخش چانډيو خپلو خبرو كښې د سراج دراني په نيولو هم ټكونه هم وكړل۔

مضمون کا ماخذ : کلیوپیٹرا

متعلقہ مضامین