وزیر اعظم عمران خان سره د سیپ کمپنۍ چیف ایګزیکټو آفیسر کرسټین کلین د نړيوال اقتصادی فورم په موقع وليدل

ډیووس 22 جنوری (اے پی پی) وزیر اعظم عمران خان سره د سسټم، ایپلیکیشنز، پراډكټ (سیپ) کمپنۍ چیف ایګزیکټو آفیسر کرسټین کلین د نړيوال اقتصادی فورم كلنې غونډې په موقع ليدلې دي۔ په دې موقع د وزیراعظم د خزانې سلاحكار ډاکټر عبدالحفیظ شیخ، د وزیر اعظم د تجارت سلاحكار عبدالرزاق داؤد، د وزیراعظم خاص مرستيال سید ذوالفقار عباس بخاری، د وزیر اعظم خاص مرستيال ډاکټر معید یوسف، د غير ملكي سرمايه كارۍ سفیر علی جهانګیر صدیقی هم موجود وؤ۔ د سیپ چیف ایګزیکټو آفیسر ووئيل زمونږ کمپنی د پاكستان حکومت د تنخاګانو او پنشن لپاره د ډیجیټل نظام مهمې منصوبې د لارې د تيرو 20 كلونو راهسې پاکستان سره اړېكې لري۔ په دې موقع وزیراعظم ووئيل د پاكستان حکومت د وګړو اسانۍ لپاره د سرکاری دفترو ضوابط ښه كولو او کاروبار كښې آسانۍ راپیدا کولو پشمول نظم او نسق لپاره ډیجیټل ایپلیکیشنز كارولو ته پام ګرځول۔ وزیراعظم سیپ ته د حکومت ډیجیټل پاکستان اقدام او په خاص توګه د ډیجیټل تربېې زياتولو او د لويو پوهنتونونو په اشتراك سره د ځوانانو تربيې له د مرستې بلنه وركړه۔ وزیر اعظم سیپ ته په پاکستان كښې د سافټ ویئر انجینئرنګ لپاره د سافټ ویئر لیبارټری جوړولو وړانديز هم وكړو۔ د سیپ چیف ایګزیکټو آفیسر نظم او نسق او اقتصادی څانګه ډیجیټل كولو له د پاكستان حکومت اقدامات وستائل۔سسټم، ایپلیکیشنز، پراډکټ (سیپ) کمپنۍ شميره د نړۍ په لويو سافټ ویئر کمپنیو كښې كېږي كومه چې د پاکستان نجی او سرکاری څانګه كښې انټر پرائز ریسورس پلاننګ سافټ ویئر لپاره شهرت لري۔

مضمون کا ماخذ : لاٹری ایپ کی تجزیات

متعلقہ مضامین