سینیټ كښې د حكومتي ډلې مشر سېنېتړ ډاکټر شهزاد وسیم د راروان مالی كال 2020-21ء بجټ بحث په مهال د خيالاتو څرګندونه

اسلام آباد 15 جون (اے پی پی) سینیټ كښې د حكومتي ډلې مشر سېنېټر ډاکټر شهزاد وسیم وئيلي دي د لږو وسائلو باوجود د قیادت د پريكړو په سوب پاکستان د کوویډ 19 صورتحال په ښه ډول مخ نيوے كولو كښې بريالے شوے، د پاکستان معیشت د کرپشن او بدانتظامۍ ښكار او هيواد دیوالیه كيدو ته نزدې ؤ، موجوده حکومت د هيواد معاشی صورتحال ښه كړے٬بجټ 2020-21ء د قیادت د وژن آئینه دار، احساس، ایثار اصلاحات مجموعه ده، داسې پروژې به پيل كولې شي چې ورسره به د روزګار موقعې راپیدا شي،غړي دې د بجټ په اړه خپل تجاویز وركړي، حکومت به د هيواد او اولس په ګټه پريكړې كوي۔ د ګل په ورځ سينيټ كښې په راروان مالی كال 2020-21ء بجټ بحث كښې سېنېټر ډاکټر شهزاد وسیم ووئيل هره خرابي په حكومت اچولې كيږي، ټوله نړۍ د يو آفت څخه تيريږي،د ځينې هيوادونو معیشت، وسائل زمونږ څخه ښه دي، خو مونږ د محدودو وسائلو باوجود د قیادت په وخت او تسلسل سره په شوو پريكړو د صورتحال په ښه ډول مقابله كوو، یو کے، اټاليا ، فرانس او د امریکې غوندې هيوادونو كښې وګړي بې روزګاره شوي ، معیشت د سخت بحران سره مخ شوے او په لوي شمير وګړي غريبۍ سره مخ شوي۔ده ووئېل د هند ، ترکیې غوندې هيوادونه ځپلې شوي، د پاکستان د معیشت کرپشن بدانتظامی ښكار ؤ او هيواد د يواليه كيدې نه نزدې ؤ، مالداره او حکمران طبقه ښه كيده او غریب به نور هم غريب كيدلو،۔ده ووئېل موجوده حکومت برآمدات زيات کړې، ټیکس محاصل زيات شوي چې ورسره بجټ خساره کمه شوې او د ټیکس وركوونكو شميره زياته شوې ۔ده ووئېل کاروبار آسان كړے شوے۔ده ووئيل صوبو له د وركولو نه پس وفاق سره يوازې درې زره 700 اربه روپۍ پاتې كيږي، د هغې كښې درې زره اربه په قرض كښې وركړے كيږي۔

مضمون کا ماخذ : ٹمپل ٹمبل

متعلقہ مضامین