د حضور نبي كريم (ص) عزت او حرمت په هر مسلمان د ځان نه زيات ګران دے

اسلام آباد ۔ 28 اګست (اے پی پی) پارلماني چارو لپاره د وزيراعظم صلاحكار ډاكټر بابر اعوان وئيلي دي د حضور نبي كريم (ص) عزت او حرمت په هر مسلمان د ځان نه زيات ګران دے۔ تركيه دې د سپكاوي خاكو په معامله د او آئي سي غونډې رابللو له خپل كردار ترسره كړي۔ د دې خيالاتو څرګندونه ده د نهې په ورځ د پارلماني چارو وزارت پاكستان كښې د تركيه سفير سره ملاقات كښې وكړه۔ ترک سفیر ډاكټر بابر اعوان ته د وزارت په منصب سنبالولو مباركي وركړه۔ بابر اعوان ووئيل زه به ډېر زر وزيراعظم عمران خان ته د پاكستان او تركيه ترمينځھ د مرستې موقعو په اړه بريفنګ وركړم ۔ ده هيله ولرله چې د دواړو هېوادونو مشرتابه ترمينځھ به ډېر زر ملاقات وشي۔ په دې مهال دواړه شخصيات د او آئي سي لا فعاله جوړولو او فلسطيني اولس سره د يو والي څرګندونه كولو ته سلا شول۔ ترک سفیر افغانستان كښې امن په ځائې كولو له د پاكستان د هڅو ستائنه وكړه۔ ملاقات كښې دواړه هېوادونه سيمه ايزې مرستې ته د پراختيا وركولو په شمول د سماجي خېر ښېګړې او بنيادي اډانې پرمختګ منصوبو كښی مرستې زياتولو ته هم سلا شوي۔ په دې مهال ډاكټر بابر اعوان ووئيل د حضور نبي كريم (ص) عزت او حرمت په هر مسلمان د ځان نه زيات ګران دے۔ ده ترك سفير ته د سپكاوي خاكو په معامله د او آئي سي غونډې رابللو په حقله د وزيراعظم عمران خان پېغام هم ورسولو

مضمون کا ماخذ : Raging Rhino

متعلقہ مضامین