د شاه محمود قرېشي د کسان اتحاد مرکزي صدر خالد محمود کھوکھر سره په ملاقات كښې خبرې

اسلام آباد 11 جون (اے پي پي) خارجه وزير شاه محمود قرېشي وئيلي دي چې حکومت د كروندګرو مسئلو هواري لپاره خاص ګامونه پورته كوي، اوسنې بجټ به كروندګرو لپاره زېرې وګرځي ۔ دا خبرې ده د كسان اتحاد مركزي صدر خالد محمود کھوکھر سره په خپلو خبرو كښې وكړې چا چې د زيارت په ورځ وفاقي وزير سره په خارجه وزارت كښې ملاقات وكړو۔ په دې موقع خزانې لپاره پارلماني سېكتر زېن قرېشي هم موجود ٶ۔ د ملاقات په مهال د کرونا وائرس نړيوالې وباء د صورتحال له مخې كروندګرو ته په رامخې ته شويو ستونزو هم د خيالاتو څرګندونه وشوه۔ د کسان اتحاد صدر خالد محمود کھوکھر ووئيل وباء د كروندګرو مسئلې لا زياتې كړې دي ، مونږ هيله لرو چې حكومت به په بجټ كښې كروندګرو ته د رامخې ته شوېو مسئلو ازالې لپاره ګامونه پورته كړي۔ خارجه وزير ووئيل چې پاكستان يو زرعي هېواد دے او زمونږ معاشي سوكالي د زراعت څانګې سره تړلې ده، مونږ د كروندګرو د مسئلو نه خبر يو او حکومت د كروندګرو مسئلو هواري لپاره خاص ګامونه پورته كوي۔ مخدوم شاه محمود قرېشي ووئيل اوسنې بجټ به ان شآء الله كروندګرو لپاره زېرې وګرځي۔ د کسان اتحاد مرکزي صدر خالد محمود کھوکھر د كروندګرو معاشي بهترۍ پلو په خاص پام كولو د وفاقي وزير مننه وكړه

مضمون کا ماخذ : گنہر نا لوٹیریا

متعلقہ مضامین