ګرد هېواد كښې تر اوسه 124 ډاکټران، 93 نرسز او 90 كسان طبي عمله كرونا وائرس ځپلې دي۔ نېشنل اېمرجنسي آپرېشن سنټر

اسلام آباد 23 اپرېل (اے پي پي) نېشنل اېمرجنسي آپرېشن سنټر او د روغتيا قامي وزارت وئيلي دي ګرد هېواد كښې تر اوسه 124 ډاکټران، 93 نرسز او 90 كسان طبي عمله كرونا وائرس ځپلې دي۔ دغسې په مجموعي توګه 253 هيلته کئير ورکران د كرونا وائرس په رنځ اخته دي ، 92 په آئسولېشن، 12 5 په روغتونونو كښې بستر دي او 33 رنځوران دسچارج كړې شوي۔ راپور له مخې پنجاب كښې 53 ډاکټران، 12 نرسانې او 18 طبي عمله د كرونا وائرس ښكار شوي چې پكښې 14 كسان په آئسولېشن، 61 په روغتونونو كښې بستر دي او ا٨ دسچارج كړې شوي۔ په سندھ كښې 19 ډاکټران، 15 نرسز او 22 نوره طبي عمله په دې رنځ اخته شوي چې پكښې 41 رنځوران بستر دي او 15 ډسچارج كړې شوي۔ آزاد کشمير كښې هم يو ډاكټر او درې كسان طبي عمله كښې د وائرس تشخيص شوے او څلور واړه ډسچارج كړې شوي۔ راپور له مخې په بلوچستان كښئ 24 ډاکټران، يوه نرس او ٧ طبي عمله د وائرس ښكار شوې چې پكښې 27 په آئسولېشن، 4 په روغتون كښې بستر او يو رنځور ډسچارج كړې شوے او دغسې په ګلګت بلتستان كښې هم يو ډاكټر او 16 طبي كسان د وائرس ښكار شوي چې پكښې 14 په روغتون كښې بستر دي او يو دسچارج كړې شوے او دوه كسان مړه شوي۔په پايه تخت اسلام آباد كښې هم دولس ډاكټران٬ ٧ نرسانې او دولس كسان طبي عمله د وائرس ښكار شوي چې پكښې 26 رنځوران په آئسولېشن يو روغتون او درې ډسچارج كړې شوي او يو كس مړ شوے هم دے۔ دغسې په خېبر پښتونخواه كښې 14 ډاکټران، 4 نرسانې او په دولس كسانو طبي عمله كښې د وائرس تصديق شوے چې پكښې 25 په آئسولېشن، 4 په روغتون او يو ډسچارج كړې شو او د يو كس حالت اندېښمن ښودلې شوے۔

مضمون کا ماخذ : اسکریچ کارڈز خریدیں

متعلقہ مضامین