سائنسدان، پاڪستان جي ماهرن کي فني ترقي جي صف اول ۾ آڻڻ لاءِ اڻٿڪ محنت ڪن: احسن اقبال

اسلام آباد-23 آڪٽوبر (اي پي پي)رٿابندي، ترقي، سڌارن ۽ خاص قدمن بابت وفاقي وزير پروفيسر احسن اقبال چيو آهي ته سائنسدان، پاڪستان جي ماهرن کي فني ترقي جي صف اول ۾ آڻڻ لاءِ اڻٿڪ محنت ڪن. اهڙن خيالن جو اظهار هن ڪالهه قائداعظم يونيورسٽي ۾ نيشنل سينٽر فار فزڪس (اين سي پي) جي 3 ڊي پرنٽنگ ۽ ويڪيوم ٽيڪنالاجي تي عالمي ڪانفرنس جي افتتاحي اجلاس جي ميزباني ڪئي. اها 3 ڏينهن واري ڪانفرنس 23 کان 25 آڪٽوبر تائين جاري رهندي، جنهن ۾ سڄي دنيا مان 50 کان وڌيڪ ناليوارا ماهر ۽ سائنسدان شرڪت ڪري رهيا آهن، ته جيئن سندن انقلابي ٽيڪنالاجيز ۾ جديد اڳڀرائيءَ تي خيالن جي ڏي وٺ ڪري سگهجي. افتتاحي خطاب ڪندي احسن اقبال سائنس ۽ ٽيڪنالاجي جي قومي ترقيءَ ۾ اهم ڪردار ادا ڪرڻ تي زور ڀريو. وفاقي وزير تقريب جي شرڪت ڪندڙن کي خطاب ۾ ٿري ڊي پرنٽنگ ۽ ويڪيوم ٽيڪنالاجي جي غير معمولي اهميت کي اجاگر ڪيو. هن ان ٽيڪنالاجي کي نه صرف هڪ فني سنگ ميل پر صنعتن کي ٻيهر ترتيب ڏيڻ، معيشتن جي نئين سر جوڙجڪ ۽ زندگيءَ ۾ روزانو انقلاب آڻڻ جو ذريعو قرار ڏيندي چيو ته ڪنٽرولڊ ماحول ۾ درست مينيوفيڪچرنگ جي اجازت ڏيندي، اها ٽيڪنالاجي صحت، خلائي تحقيق، تعميرات ۽ توانائي جي شعبن ۾ جامع حل فراهم ڪري ٿي، اسان ٿري ڊي پرنٽنگ ۽ ويڪيوم ٽيڪنالاجي جي ٻن غير معمولي نين ايجادن جي سنگم تي بيٺا آهيون، جن عالمي سطح تي پيداوار، مينيوفيڪچرنگ ۽ تحقيق کي تبديل ڪري ڇڏيو آهي. هن چيو ته اها ڪانفرنس پاڪستان جي چوٿين صنعتي انقلاب جي باقاعده شروعات آهي. احسن اقبال ٿري ڊي پرنٽنگ ۽ ويڪيوم ٽيڪنالاجي جي عالمي مثالن تي روشني وِجهندي صحت، خلائي تحقيق ۽ بنيادي ڍانچي ۾ نمايان ڪاميابين جو ذڪر ڪيو. هن وضاحت ڪئي ته ٿري ڊي پرنٽنگ خاص طور تي بائيو پرنٽنگ ۾ طبعي شعبي ۾ انقلابي اڳڀرائي ڪئي آهي، جتي آمريڪا ۽ جرمني جهڙن ملڪن جاندار، ڪسٽم ڊزائين ٿيل امپلانٽس ۽ مصنوعي عضون جي تياري ۾ اڳڀرائي ڪئي آهي، خلائي ۽ دفاعي شعبن پڻ ان نين ايجادن مان فائدو کنيو آهي، جتي ناسا ٿري ڊي پرنٽنگ ذريعي راڪيٽ جا پُرزا تيار ڪيا آهن، جنهن سان خرچ گهٽ ٿيا آهن ۽ خلائي تحقيق لاءِ نوان امڪان پيدا ٿيا آهن. وفاقي وزير اسپارڪو جهڙن ادارن سان سهڪار ۾ تعاون ۾ پاڪستان جي خلائي صلاحيتن کي وڌائڻ جي خواهش جو پڻ ذڪر ڪيو. تعميرات جي شعبي ۾ هن دبئي جي منصوبي جو حوالو ڏنو، جنهن تحت 2030ع تائين نين عمارتن جو 25 سيڪڙو ڊي پرنٽنگ سان تيار ڪيو ويندو، جڏهن ته چين جي تيز رفتار تعميرات جتي ڪجهه ڏينهن ۾ سڄي پاڙن کي ٿري ڊي پرنٽنگ ذريعي بڻايو ويو، کي به هڪ اهم مثال قرار ڏنو. وفاقي وزير حڪومت جي فائيو ايز ڊولپمينٽ فريم ورڪ تحت ان ٽيڪنالاجي جي استعمال جي ويزن کي تفصيل سان بيان ڪيو، جنهن جو مقصد 2035ع تائين پاڪستان کي کرب ڊالر جي معيشت بڻائڻ آهي. هن وضاحت ڪئي ته ڪهڙيءَ طرح 3 ڊي پرنٽنگ روانگي واپار ۾ واڌ، اِي پاڪستان قدمن ذڙيعي ڊجيٽل تبديلي، ماحول دوست مينيوفيڪچرنگ، توانائي جي ڪارڪردگي کي بهتر بنائڻ ۽ پُٺتي پيل طبقن کي پهچ لائق ٽيڪنالاجي فراهم ڪري بنائڻ ۾ اهم ڪردار ادا ڪري سگهي ٿي. حڪومت جي معاون ماحول کي هٿي ڏيڻ جي عزم کي دُهرائيندي احسن اقبال جدت کي هٿي ڏيڻ لاءِ کنيل پاڪستان انوويشن فنڊ ۽ سينٽرز آف ايڪسيلنس جهڙن قدمن کي اجاگر ڪيو. هن ان ڳالهه تي زور ڀريو ته ترقيءَ لاءِ حڪومت نجي شعبي، تعليمي ادارن ۽ تحقيقي ادارن وچ ۾ تعاون جي ضرورت پوندي. ان جو مقصد اهو آهي ته يونيورسٽين، ووڪيشنل انسٽيٽيوٽس ۽ تربيتي مرڪزن ذريعي نوجوانن کي ان اُڀرندڙ شعبن ۾ قيادت لاءِ گهربل مهارتون فراهم ڪيون وينديون. هن پاڪستان کي ٿري ڊي پرنٽنگ ۽ ويڪيوم ٽيڪنالاجي جهڙين اُڀرندڙ ٽيڪنالاجيز جي مڪمل فائدا حاصل ڪرڻ لاءِ مستحڪم سياسي ماحول ۽ مسلسل پاليسي جي اهميت تي زور ڀريو. هن چيو ته سنگاپور، ڀارت ۽ ملائيشيا جهڙن ملڪن جٽادار حڪومت ۽ مستقبل پاليسين کي برقرار رکي ان ٽيڪنالاجي کي ڪاميابي سان ضم ڪيو آهي. هن 2013ع کان 2018ع تائين ويزن 2025ع تحت ٿيل ترقيءَ جو پڻ حوالو ڏنو، جيڪو سالن بعد پاليسين جي رد ٿيڻ سبب متاثر ٿي هئي. هن چيو ته ٻين قومن جي ڪاميابي ڪهاڻيون ظاهر ڪن ٿيون ته ڊگهي مُدي استحڪام جٽادار اقتصادي ترقيءَ لاءِ ضروري آهي، پاڪستان کي پاليسين ۾ تسلسل برقرار رکڻو پوندو ته جيئن ترقي جي رستي ۾ رڪاوٽون نه اچن. وفاقي وزير شرڪت ڪندڙن تي زور ڀريو ته هو 3 ڊي پرنٽنگ ۽ ويڪيوم طرفان پيش ڪيل اوزارن ۽ موقعن مان فائدو کڻن، ان ڳالهه تي زور ڀريندي چيو ته قوم جي ترقيءَ ان جي بانين جي هٿ ۾ آهي. هن پنهنجي خطاب جي پڄاڻي لائبريرين ۽ ليبارٽرين جي اهميت تي زور ڀريندي ڪيو ۽ چيو ته ليبارٽريز 24 ڪلاڪ ڪم ڪن.

مضمون کا ماخذ : سامرائی کی خوش قسمتی۔

متعلقہ مضامین