ڦوروئن تي ٻڌل حڪومت ٺاهڻ جي ڳالهه ڪئي پئي وڃي: چوڌري فواد حسين

APP13-170322 ISLAMABAD: March 17 Minister for Information and Broadcasting Fawad Hussain addressing during the Green Youth Movement at Jinnah Convention Center. APP photo by Saeed ul Mulk

اسلام آباد – 17 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڦوروئن تي ٻڌل حڪومت ٺاهڻ جي ڳالهه ڪئي پئي وڃي، پاڪستان جو مستقبل چورن جي حوالي نٿا ڪري سگهون، سنڌ هائوس ۾ ماڻهن جا ضمير خريدڻ لاءِ ٻوليون لڳايون پيون وڃن، جتي تمام گهڻو پئسو منتقل ٿيڻ جا اطلاع آهن، 10 لک ماڻهن جي ڪال جي ڊپ کان مخالف ڌر خوف ۾ ورتل آهي. اهڙن خيالن جو اظهار هن جناح ڪنوينشن سينٽر ۾ گرين يوٿ موومينٽ جي تقريب کي خصوصي مهمان جي حيثيت سان خطاب ڪندي ڪيو. وفاقي وزير چيو ته ڪالهه ننڍو ڊان چئي رهيو هو ته ملڪ م قومي حڪومت ٺاهيو جنهن ۾ تحريڪ انصاف شامل نه هجي، عقل جا انڌا اڄ چئي رهيا آهن ته ڦوروئن جي حڪومت ٺاهيو جيڪا چورن کي بچائي، اسان ان کان اڳ ان طرح جو قومي بيانيو نه ٻڌو، چوڌري فواد حسين چيو ته پاڪستان جي 63 سيڪڙو آبادي 15 سالن کان 33 سالن جي نوجوانن تي مشتمل آهي ۽ هي اهي نوجوان آهن جيڪي پاڪستان جو مستقبل آهن ۽ اسان پنهنجي مستقبل کي چورن ۽ ڦوروئن جي حوالي هرگز نه ڪرڻ ڏينداسين. اسان کي پتو پيو آهي ته سنڌ هائوس جي اندر منڊيون لڳل آهن، جتي جهڙي قسم جون ٻوليون لڳي رهيون آهن ۽ ضمير وڪرو ڪرڻ جون ڳالهيون ٿي رهيون آهن، ڇا عوام ان جي اجازت ڏيندي؟ وفاقي وزير چيو ته هن ڪجهه ڏينهن اڳ ڊي چوڪ تي 10 لک ماڻهو گڏ ڪرڻ جي ڳالهه ڪئي هئي پر اهو نه چيو هو ته اهي ماڻهو مخالف ڌر کي ماريندا، مخالف ڌر صرف 10 لک ماڻهو گڏ ٿيڻ جي ڊپ کان بيهوش ٿي وئي آهي، چوڌري فواد حسين چيو ته سياسي پارٽين جو حق آهي ته هو جلسا ۽ جلوس ڪن، پنهنجي ماڻهن کي گڏ ڪن، اهو اسان جو حق آهي، هن چيو ته اسان پاڪستان جي تاريخ ۾ سڀ کان وڏو ميڙاڪو اسلام آباد ۾ ڪري ڏيکارينداسين، اسان لوئر مڊل ڪلاس جي پارٽي آهيون، اسان تشدد ڪندڙ ماڻهو نه آهيون، هن چيو ته عمران خان پاڪستان جي نوجوانن جي مستقبل جي اميد آهي، اسان ان اميد سان جيئنداسين ۽ مرنداسين.

مضمون کا ماخذ : لوٹیریا وفاقی

متعلقہ مضامین

ڦوروئن تي ٻڌل حڪومت ٺاهڻ جي ڳالهه ڪئي پئي وڃي: چوڌري فواد حسين